--Ads--
Bimmaba iti 26.6 percent ti pakabuklan a pastrek ti Philippine Amusement and Gaming Corporation iti first half ti 2026, manipud iti P59.05 billion idi napan a tawen, katukad iti P43.22 billion, gapu iti kimmapsut a pastrek manipud iti gaming operations, nangruna iti online gambling.
Segun ken ni PAGCOR Chairman ken CEO Alejandro Tengco, naapektaran ti panaggastos dagiti agtaytaya gapu iti inflation a maikonektar iti tension iti Middle East ken panagpangina ti presio ti langis.
Bimmaba pay ti net operating income iti 35.1 percent ken net income nga 85.3 percent, a pinakaro ti nangatngato a remittance iti Philippine Sports Commission kas mayataday iti Korte Suprema.
