VIGAN CITY – Nadagsen a parikot ti pamilia ken mapapati nga utang iti makitkita a rason dagiti pannakabagi ti linteg iti nagbekkelan ti maysa a lalaki idiay Brgy. Manzante, Magsingal.
Iti pannaki-uman iti Bombo Radyo Vigan ken ni Pol. Maj. Joel Castillo, nakaawatda iti tawag manipod ken ni Mildred Artillero, agtawen ti duapulo ket innem, balasang, negosyante ta panagpaarayat ni Roda Mae Reyes, agtawen ti duapulo ket walo, basalang ti pannakakitana a nakabitinen babaen iti tali ni Allan Santiago Alvarez, agtawen ti uppat a pulo ket siam, naasawaan, laborer nga agnaed iti nasao a lugar.
Segun ken ni Castillo, sakbay iti panagbekkel ni Alvarez ket naki-inninom pay isuna iti kabsat ken kasinsinna agingga idi naka-dua a bote iti arak ket naiyebkasnan dagiti parikotna maipapan iti pamiliana ken kayatnan a leppasen ti biagna isu a posible a saanan a kinabaelan pay.
Innayonna a pinasingkedan ti kabsat ni Alvares nga adda iti ballasiw-taaw ti asawa ti biktima idinto a saan nga agnanaed iti pagtaenganda ti putotna a lalaki gapu iti parikot a sangsangwenda.
