Nagballaag ni Davao City 1st District Rep. Paolo Duterte kadagiti kakaduana iti House of Representatives kontra iti panangsuportar iti posible nga impeachment complaint kontra iti kabsatna a ni Vice President Sara Duterte a manamnama a maipila inton February iti agdama a tawen.
Segun ken ni Rep. Duterte, sumagmamano laeng iti mapapati nga adda kontrolna iti pondo ken impluwensya ti mangidurduron ti impeachment, isu a rumbeng a komunsulta kadagiti agpampanday linteg kadagiti masakupanda.
Innayonna a ti impeachment ket rumbeng a nakabasar iti sungsungbatan ken saan a pulitika wenno patronage.
Maipalagip nga idi February 2025 ket inimpeach iti House ni Vice President Sara iti maikapat a reklamo maipanggep iti mapapati a panagaramatna ti confidential funds ken dagiti pangta kontra ti presidente ken dadduma pay nga opisyal
