Nadunor iti ulo ken nadumaduma a paset ti bagi dagiti tallo a tattao kalpasan ti pannakatukbob ti maysa a motorsiklo ti sarsarunwenna a motorsiklo iti Municipal Road idiay Barangay Tamorong, Sta. Catalina idi rabii, June 16, 2026.
Ti nagmaneho iti Yamaha Mio Sporty motorcycle ket lalaki nga agtawen iti sangapulo ket pito, Out of School Youth, awaan ti driver’s license; kaduana ti maysa a babai nga agtawen iti sangapulo ket innem, high school student nga agpada nga agnaed idiay Barangay Paratong, Sta. Catalina.
Ti nagmaneho met iti Yamaha NMax motorcycle ket lalaki nga agtawen iti tallopulo ket maysa, naasawaan, mannalon nga agnaed idiay Barangay Tamorong, Sta. Catalina.
Segun kadagiti witness, agpada nga agpapadaya a direksyon dagiti dua a lugan a ti akin-sango ket iti Mio.
Kellaat a nagsikko ti Mio iti kannigid a mapan iti Sitio Purok idin natukbob iti adda ti likodna nga NMAX isu a natumbada.
Agpapada a nadunor iti ulo ken dadduma a paset ti bagi dagiti driver ken back-ride isu a naipanda iti ospital para iti pannakatamingda.
Naammoan a saan a nakasuot ti helmet ti babai a menor de edad iti napasamak iti aksidente.
