VIGAN CITY – Im-imbestigaran pay laeng dagiti kameng ti Vigan City police station iti pannakatay ti Canadian national a nasarakan iti uneg ti kwarto iti transient house a nagdagusan da idiay Barangay Capangpangan, Vigan City.
Maibasar iti impormasyon a naala ti Bombo Radyo Vigan, nasarakan laengen iti uneg iti maysa kadagiti kwarto iti saanen a nainaganan a transient house iti bangkay ti biktima a ni Michael Skuca nga agtawen iti dua pulo ket siyam nga agnaed idiay Toronto, Canada a nagbakasyon laeng ditoy pagilian, nangruna iti syudad ti Vigan, kadua na dagiti gagayyem na.
Segun kadagiti kakadua ti biktima, saan a simmurot kadakuada a napan idiay Ilocos Norte ti biktima ta agalen na iti sakit ti ulo ken bannug na iti sangapulo ket tallo nga oras a biyahe.
Idi agawid da, nagderetso da iti kwarto ti biktima ket nakita da laengen nga awanen iti biyag na.
Nakita iti kwarto ti biktima iti cellphone na ken dagiti maintenance, pakairamanan dagiti dadduma pay a pain reliever a mapapati nga ininum na sakbay a natay.
