Impakaammo ti Aurora Police Provincial Office a “purely accident” ti pannakatay dagiti dua nga Ateneo basketball players a da Rene Baterbonia ken Divine Adili gapu iti pannakalmes da iti probinsia.
Segun ken ni Aurora PPO Acting Provincial Director PCol. Percival Pineda, basar iti salaysay dagiti kadua dagiti biktima, awan ti nakita da nga indikasion a foul play iti insidente.
Dagus a naitaray dagiti student-athlete iti ospital ngem naideklarar da a dead on arrival.
Naammuan nga awan ti nakasuot nga ankle weights kadagiti biktima idi mapasamak ti pannakalmes.
Maidalan iti autopsy iti bangkay ni Rene Baterbonia, kabayatan a kiniddaw ti pamilia ni Divine a maiyawid ti bangkay na iti Nigeria.
Segun iti Ateneo De Manila University, awan pay ti final arraignment para iti pannakadulin ti bangkay dagiti dua a basketbolista ken agtultuloy ti pannakibinnulig da iti agpada a pamilia.
