--Ads--
Nangirusat ti Commission on Higher Education iti fact-finding review mainaig iti pannakatay dagiti student-athlete ti Ateneo de Manila University a da Rene Baterbonia ken Divine Adili kabayatan ti kaaddada iti training camp idiay Dipaculao, Aurora.
Segun iti CHED, kasapulan iti maysa a nainget, patas ken dagus nga imbestigasion tapno maammuan ti amin a pasamak mainaig iti pannakatay dagiti 2 nga estudiante.
Binilinen ti CHED ti Ateneo a mangipasa kadagiti impormasion ken palawag tapno maammuan dagiti napasamak ken maadal no nasurot ti maipatpatungpal a pagannurotan.
Impasigurado ti komision a madusa ti asino man a mapaneknekan nga adda pagkuranganna ken maipatungpal dagiti addang tapno maliklikan ti kas iti napasamak.
-- ADVERTISEMENT --
