Kinatawaan laeng ni Vice President Sara Duterte ti pannakapili ni Police General Nicolas Torre III kas baro a mangidaulo ti Philippine National Police, ken awanen ti nayon a komentona.
Ni General Torre ti napili ni Presidente Ferdinand Marcos Jr kas maikatallopulo a PNP chief, kasukat ni General Rommel Marbil.
Graduate ni Torre iti Police Academy Class of 1993 ken nagserbi kadagiti nadumaduma a posisyon iti PNP, agraman ti panagbalinna a director ti Criminal Investigation and Detection Group.
Mabigbigbig kadagiti operasyonna kontra kadagiti nalatak a personalidad, kas ti pannakakemmeg ni Pastor Apollo Quiboloy ken dati a Presidente Rodrigo Duterte maibasar kadagiti warrant manipud iti International Criminal Court.
Kabayatanna, ni General Marbil ket simmango met iti kontrobersya idi 2024 idi inikkatna dagiti pitopulo ket lima a miembro ti security detail manipud iti opisina ni Vice President Duterte.
