Kumkumpirmaran ti Department of Foreign Affairs (DFA) ti naireport a pannakakemmeg ni dati a Presidential Spokesperson Harry Roque idiay The Hague, Netherlands.
Iti deliberasyon ti Senado iti proposed 2026 budget iti DFA, sinaludsod ni Senate President Vicente Sotto III ti ahensya maipanggep iti pannakakemmeg ni Roque.
Kinuna met ni Senador Imee Marcos a budget sponsor iti DFA, awan pay iti naawat nga impormasyon iti ahensya maipanggep ti pannakakemmeg ni Roque.
Maipalagip a nangiruar ti Angeles City Regional Trial Court ti arrest order kontra ken ni Roque ken uppat a pulo pay a sabali gapu ti kaso a qualified human trafficking ken multiple counts iti human trafficking nga adda pakainaigan iti ilegal nga operasyon ti Philippine Offshore Gaming Operator (POGO) idiay Porac, Pampanga.
