VIGAN CITY – Adda “domino effect” na nu matuloy iti singasing ni House Speaker Gloria Macapagal-Arroyo a maisanud inton October 11 agingga October 17 iti panangipila ti certificate of candidacy (COC) para ti 2019 mid-term elections imbes nga inton October 1 to October 5 nga isu iti orihinal nga aldaw iti panagipilaan.
Ti pannaki-uman ti Bombo Radyo Vigan ken ni Commission on Election (ComElec) spokesman James Jimenez, posible a kayat dagiti agpanpanday linteg a nalawlawa ti schedule da ta posible a saan dan ton a makaatendar kadagiti sesyon ti Kamara nu bilang agawid da kadagiti probinsiya ken distrito da tapnu agipila ti COC.
Patien met ni Jimenez a maysa kadagiti pagpapatangan ti Comelec en banc ket iti epekto ti singasing iti timeline ti poll body.
Kinuna ti comelec spokesman nga adu dagiti aktibidad da a nakabase iti panangipila ti COC ket nu maisanud iti makalawas ti panagipilaan iti nasao a dokumento ket sigurado a maisanud iti panagiyimprenta ti balota ken dadduma pay a panagsagan para iti nasao nga eleksyon.
Ti pagbutbutngan ti poll body ket iti posibilidad a nu manarimaanen iti eleksyon ket saan to pay laeng a nalpas dagiti kasapulan a balota ken posible nga adda dagiti lugar a mataktak iti eleksyon da nu matuloy iti singasing.
