Ita laeng manen a gundaway a maibayog iti Category 5 ti Florida, USA gapu nakaro nga epekto ti bagyo kalpasan ti 114 a tawen, kas pinasingkedan ti maysa a residente iti Tampa, lugar a nakaro nga inapektaran ti Hurricane Milton.
Iti pannaki-uman ti Bombo Radyo Vigan ken ni Bombo International News Correspondent Matt Kennedy, saanda pay pulos a napadasan iti kastoy a kapigsa a bagyo iti kallabes.
Gapu iti bagyo, kanselado amin ti klase ken trabaho ngem nupay kasta ket nakasagana dagiti amin nga equipment ken adda dagiti naka-standby a personnel nga agresponde no kasapulan.
Nainget met ti pannakikinnammayet ti gobierno ti Florida iti komunidad ta ar-aramidenda ti binilinda dagiti agindeg nga agbakwit para iti kinatalgedda.
Uray pay mismo ti mayor ti Tampa ket ipaspasiguradona a natalged dagiti agindeg.
Malaksid dayta, adu dagiti nakasagana nga inland shelter nangruna para kadagiti linemen.
