VIGAN CITY – Mamati ni Senate Committee Chairman on Women and Children Sen. Risa Hontiveros a masapul a ti Department of Health iti agdesisyon inaig iti pannakai-lockdown ti Metro Manila gapu ti coronavirus disease 2019.
Ti pannaki-uman ti Bombo Radyo Vigan ken ni Hontiveros, saan a rumbeng nga agpanic ti publiko no di ket sumurotda kadagiti maiyetnag a pagannurotan tapno mailiklik da iti nasao a sakit ken saan a mabalin nga awan iti pannarabay ti DOH kadagiti umili.
Insingasing ni Hontiveros kadagiti nadumaduma nga ahensia kas ti Department of Labor and Employment a bilinenda dagiti kompania a mangted da ti protective gear kadagiti empleyado no saanda nga agipatungpal ti work from home arrangemnet ken kasta met ti panagkinnammayet ti DOH ken Department of the Interior and Local Government para iti naan-anay a panangipakaammoda dagiti kasapulan nga impormasion iti publiko inaig ti COVID- 19.
Malaksid iti dayta, napateg pay ti panagkinnammayet ti Department of Education ken Inter-Agency Task Force on Emerging Infectious Diseases para iti kinatalged dagiti agad-adal.
Para ti senadora, awan iti parikut a makitkitana inaig ti nasapsapa a panagleppas ti klase ngem iti naka-schedule iti calendar of activities ti Deped.
