Nasaysayaat a pili para iti Act Philippines ti pannakadutok ni Sen. Sonny Angara kas baro a secretary ti Department of Education kasukat ni Vice President Sara Duterte
Iti pannakiuman ti Bombo Radyo Vigan kenni Raymond Basilio, Secetary general ti Act Philippines, mangnamnamda a mas mapasayaat ti baro a mangidadaulo ti edukasyon ti Pilipinas
Kiddaw da kenni Angara a takderanna dagiti itantandudona idi nagakem isuna kas senador a kas iti gagemna a maipangato ti sueldo , adalen dagiti parikot iti ahensya iti curriculum ken ipakat ti maiparbeng iti panagpasayaat ti edukasyon
Malaksid dayta, kiddaw na a maadaan ti panagkaykaysa ken agserbi isuna kas instrumento a mangilaban ti karbengan dagiti mangisursuro kontra kadagiti mangat-atake kadagiti mangisursuro,
Innayonna nga awan pay ti naikeddeng nga aldaw wenno petsa iti panagkitada iti baro a secretary ngem nangipakaamodan ti komonikasyon iti opisina na
Kabayatanna, mangnamnama ti grupo kenni Pres. Ferdinand Marcos iti umadani nga State of the NAtiona Addressna dagiti programa nga ipakat ti presidente a mangrisot iti problema iti edukasyon
