Lima ti nadunor iti pannakadungpar ti motorsiklo iti kurong-kurong idiay Barangay Pagsanaan Norte, Magsingal, Ilocos Sur.
Nabigbig ti nagmaneho iti Yamaha Mio I a ni Edison Garcia Corpuz, agtawen iti duapulo ket walo, construction worker, taga-Caraisan, Magsingal.
Ti met kurong-kurong ket minaneho ti maysa nga agtawen iti sangapulo ket walo a taga-Barangay Miramar, Magsingal.
Naglugan iti kurong-kurong dagiti dua a menor de edad nga agtawen iti sangapulo ket lima a taga-Barangay Solotsolot, San Juan, agtawen iti sangapulo ket pito, a taga-Barangay Sungiam ken ti agtawen iti sangapulo ket siam a taga-Barangay Miramar.
Agpapadaya ti motorsiklo idinto nga adda iti bangir a linya ti kurong-kurong.
Idi madanon ti nakapasamakan ti aksidente, immagaw ti linya ti motorsiklo ket nadungparna ti sidecar ti kurong-kurong.
Gapu dayta, nadunor dagiti dua a drayber ken tallo a naglugan iti kurong-kurong nga agpapada a naipaagas iti ospital para iti pannakatamingda.
