--Ads--
Nakemmeg ti maysa a drug suspect iti naiwayat nga anti-illegal drug operation iti ili ti Caoayan.
Ti suspek ket agtawen iti uppat a pulo ket dua, agnaed iti nasao a lugar, maibilbilang a High Value Individual.
Naaktuan ti suspek nga agilaklako iti maysa a sachet ti mapapati a shabu iti poseur buyer.
Nakumpiskar manipud kenkuana ti 1.95 grams ti mapapati a shabu nga aggatad iti P13,260.
-- ADVERTISEMENT --
Malaksid dayta, nakumpiskar pay ti buy-bust money, cellphone, pitaka, ID, empty plastic sachet ken motorsiklo.
Sangwen ti suspek ti kaso a panaglabsing iti Republic Act 9165 wenno Comprehensive Dangerous Drugs Act of 2002.
