--Ads--
Maysa a lalaki ti nasarakan a natay idiay Barangay Puro, Magsingal, Ilocos Sur.
Maibasar iti imbestigasion, alas kuatro iti malem idi kalman, nakita ti biktima a matmaturog iti datar iti uneg ti salasda.
Alas sais iti rabii iti isu met laeng nga aldaw, nakita daytoy ti kabsatna a saanen nga aggargaraw ken awan puotna.
Naitaray iti ospital ti biktima ngem naideklarar a dead on arrival.
-- ADVERTISEMENT --
Nammuan pay a ti biktima ket nagin-inom iti uppat nga aldaw gapu iti parikut iti pamilia.
Natalek met dagiti kabagyan ken karruba ti biktima nga awan ti foul play iti pannakatayna.
