--Ads--
Impaganetget ni Presidente Ferdinand Marcos Jr a dagiti ina ti silaw ti pagtaengan ken adigi iti kada pamilia a Pilipino, kagiddan ti panangrambak iti Mother’s Day ita nga aldaw.
Impeksa ni Marcos ti panagdayaw ken panagyamanna kadagiti amin nga ina gapu iti awan sarday a panagayat nga iburburayda iti pamiliada, ken iti pagilian.
Iti post ti presidente, makita ti ladawan ni First Lady Liza Marcos, inana a ni Imelda Marcos, ken kabsatna a ni Irene Marcos.
Nadlaw met dagiti sumagmamano a netizen a saan a karaman ti kabsatna a ni Senador Imee Marcos.
-- ADVERTISEMENT --
Kabayatanna, kinablaawan pay ti presidente ni FL Liza ken pinagyamananna iti agtultuloy a panagayatna iti pamiliana, ken panangawat iti amin a kanito iti biagda.
