--Ads--
Tallo ti nadunor iti pannakadungpar ti motorsiklo iti bisikleta iti national highway idiay Barangay Napo, Magsingal, Ilocos Sur.
Nabigbig ti nagbisikleta a ni Rex Malana Babaran, agtawen iti uppat a pulo ket lima, mannalon, taga-Barangay Napo.
Ti met nagmaneho iti Yama Aerox a motorsiklo ket ni Kish Suba De Gracia, agtawen iti sangapulo ket walo, taga-Barangay Capangpangan, Vigan City, kinalubbonna ti maysa nga agtawen iti sangapulo ket pito a taga-Narvacan.
Bumallasiw ti bisikleta iti highway idin nadungpar daytoy ti agpapa-amianan a motorsiklo.
-- ADVERTISEMENT --
Naipaagas iti ospital dagiti tallo a karaman gapu kadagiti sinagrapda a dunor.
Agpada a nakaaramat iti helmet dagiti karaman ken saanda a nakainom idi mapasamak ti aksidente.
