--Ads--
Pinasingkedan ni Senador Sherwin Gatchalian a rumbeng nga agresulta ti panaglaka ti presyo ti kuryente ti panang-amyendar ti Electric Power Industry Reform Act (EPIRA) para ti pagsayaatan dagiti consumer nga agan-anus iti nangina a kuryente.
Segun ken ni Gatchalian, saan a rumbeng a a makaited laeng ti natibker ken umanay a suplay nu diketdi uray ti nalaka a presyo ti enerhiya kadagiti umili.
Impaganetgetna nga aniaman a panang-amyendar ti EPIRA ket rumbeng a nakatutok ti panaglaka ti presyo iti kuryente.
Kinunana a suportaranna ti panawagan ti presidente nga amyendaran ti EPIRA tapno matignayan dagiti isyu inaig ti sektor iti enerhiya pakairamanan ti nangina a presyo.
-- ADVERTISEMENT --
