Nagballaag ni Interior relations Expert Prof. Renato De Castro a saan a rumbeng nga yaleng -leng ti gobierno ti pangta ti China a nalakada laeng a mangabak no agaramatda iti puersa kontra Pilipinas mainaig iti mapagin-innagawan a West Philippine Sea.
Segun ken ni De Castro, dayta a sinarita ti China ket paset ti makunkuna a “wolf warrior diplomacy” nga agar-aramat iti direkta a panagsao tapno ipakita ti turay ti China iti rehion.
Impaganetgetna pay a saan a rumbeng nga ibilang a panangriribuk ti panangprotektar ti Pilipinas iti bukodna a teritoryo kontra iti iseserrek ti China.
Inyunay-unay ti eksperto nga imbes nga agdanag kadagiti pangta, nasken a papigsaen ti panagkaykaysa ti pagilian, mataginayon ti kinatalged, ken itultuloy a papigsaen ti kabaelan ti Armed Forces of the Philippines.
/~ Bombo Kleo
