Impaganetget ni House prosecutor ken Mamamayang Liberal Party-list Rep. Leila de Lima a maibilang nga impeachable offense ti mapapati a panagpangta ni Vice President Sara Duterte, addaan man iti kondisyon wenno awan.
Segun ken ni de Lima, awan ti maibilang a maysa a conditional threat.
Kinunana a no mangbutbuten ti maysa a tao iti padana wenno iti miembro ti pamilia ket maibilang a krimen ken grave threats.
Ti sarita ni de Lima ket adda pakainaigan iti maikapat nga Article of Impeachment a mangdakdakamat iti sarita ni Duterte iti maysa nga online press conference idi 2024 a mapapati nga addan iti nakasaritana a mangpapatay kada Pres. Ferdinand Marcos Jr., First Lady Liza Araneta-Marcos, ken dati nga Speaker Ferdinand Martin Romualdez no kas bilang matay isuna.
