Mabalin nga aramaten ni Vice President Sara Duterte dagiti sangsangwenna a kriminal a kaso tapno maipakitana a parparigaten isuna ti agdama nga administrasion, segun iti maysa a political analyst.
Iti pannaki-uman ti Bombo Radyo Vigan ken ni Prof. Dennis Coronacion, posible nga agbalin a paset daytoy iti framing ti kampo dagiti Duterte a makapadpadasda iti political persecution tapno mapukawen ti kalatakanda iti pulitika.
Nupay kasta, kinuna ti political analyst nga awan ti epekto dagiti tallo a bilang ti grave threats a kaso ni VP Sara iti impeachment ta agduma ti tarigagay dagiti dua a proseso.
Ti impeachment ket gagemna a maikkat iti puesto ti bise presidente idinto a ti criminal case ket tapno maibalud.
Maipalagip a nangiruar ti Quezon City Regional Trial Court Branch 98 iti warrant of arrest kalpasan a makitada nga adda probable cause para iti tallo a bilang ti grave threats.
Nakapagpiansa met ti bise presidente iti P360,000 ta P120,000 ti nailatang iti kada bilang ti nasao a kaso.
