Nangipila ti petision iti Korte Suprema ni Vice President Sara Duterte tapno kontraen ti tallo a bilang ti kaso a grave threats nga impila ti Department of Justice (DOJ) kontra kenkuana.
Iti Petition for Certiorari and Prohibition nga adda kaduana nga aplikasion para iti Temporary Restraining Order (TRO), kiniddaw ti bise presidente a maikkat ti bisa ti resolusion ti DOJ a nangirekomenda a makasoan isuna dagiti nadakamat a kaso.
Kayat pay ni VP Sara nga ikkaten ti bisa ti resolusion ti Quezon City Regional Trial Court a nangibasura ti motion ti quash na kasta payen ti nairruar a warrant of arrest kontra kenkuana.
Impaganetget ti kampo ni Duterte a kasapulan a lawlawagan ti Korte Suprema ti sakup ti procedural immunity ti sitting impeachable officer.
