Impasigurado ti National Capital Region Police Office (NCRPO) ti seguridad ni Vice President Sara Duterte iti arraignment na idiay Quezon City Regional Trial Court ita nga aldaw, Setyembre 11.
Segun ken ni NCRPO officer in charge Brig. Gen. Christopher Abrahano, ited ti pulisya ti amin a kasapulan a seguridad para iti bise presidente.
Sumangsango ni Duterte iti kaso a grave threats kontra ken ni Presidente Ferdinand Marcos Jr. irst Lady Liza Araneta-Marcos ken former House Speaker Martin Romualdez.
Imbilin ti korte ti pannakakemmeg ken ni VP Sara idi Setyembnre 4 ken nagpiyansa isuna ti P360, 000 para iti nadakamat a kaso.
Kabayatanna, saan a direkta nga imbaga ni Atty. Michael Poa no personal a tumabuno ti bise presidente iti arraignment, ngem pinasingkedan na a masapul a dumar-ay ti akusado iti nadakamat a proseso.
