--Ads--
Rinibu a biahero ti nangrugin a nagsubli iti Metro Manila kalpasan ti panangrambakda iti Undas iti bukodda a probinsia.
Maibasar iti kaudian a report manipud iti National Capital Region Police Office (NCRPO), dimmanon iti nasurok a 3,000 ti bilang dagiti pasahero kadagiti bus terminal iti Metro Manila, a manamnama nga ad-adda pay nga umadu kadagiti sumarsaruno nga oras ken aldaw.
Segun kenni Emelito Dua, Terminal Master, adun dagiti nagsubli a pasahero ken napunno metten dagiti bus manipud iti nadumaduma a ruta kas iti Batangas, Pangasinan, ken dadduma pay nga asideg a probinsia.
Kabayatanna, innayon ni Bryan Amorato, Terminal Manager, a mabalin nga agtultuloy daytoy kadagiti sumaruno nga aldaw agingga ti kalpasan ti Undas.
-- ADVERTISEMENT --
