Nakipagrikna ni House Speaker Faustino “Bojie” Dy III kadagiti pamilia ken ay-ayaten iti biag dagiti ubbing a natay iti napasamak a pamamltog iti uneg ti Ateneo de Zamboanga.
Sinigurado ni Dy nga agtignay ti House of Representatives a napaspas ken maibasar iti ebidensia, tapno mangkita kadagiti solusyon a makaited ti salaknib kadagiti ubbing.
Segun ken ni Dy, dumngeg ti Kamara kadagiti eksperto ken kitaenda iti panagadal, panag-eksamin ken kapadasan iti dadduma a pagilian tapno masigurado a maibasar ti kinapudno ken dagiti ebidensia iti agbalin nga addangda.
Impaganetget ni Dy a kasapulan a maawatan dagiti agpampanday linteg no apay ken kasano a napasamak iti trahedya, no ania iti mabalin a makalapped, ken no ania iti rumbeng a baliwan tapno mapagtalinaed a natalged dagiti annak iti pagadalan.
