VIGAN CITY – Agtaltalinaed a prayoridad iti Provincial Government of Ilocos Sur iti panangparegta ti tourismo a naapektaran ti COVID19 pandemic.
Iti pannaki-uman ti Bombo Radyo Vigan kenni Vice Governor Ryan Singson, kalikagum ni Presidente Ferdinand “Bongbong” Marcos iti panangpapintas ken pannakaisubli iti turismo babaen kadagiti nadumaduma nga imprastraktura a maipatakder ket saan met nga agpaudi iti probinsya.
Kabayatanna,manarimaanen iti pannakaisimpa ti Vigan Airport ken pannakapapintas ti Cabugao Sea Port a dakkel a tulong iti turismo ditoy Ilocos Sur.
Impakammo ni Vice Governor Singson a nakiumandan kenni Tourism Infrastructure and Enterpose Zone Authority Chief Operating Officer Mark Lapid para iti pannakasimpa ti Bantay Bell Tower.
