Adalen ti Malakanyang no bilang kiddawen ti impeachment court ti go signal ni Presidente Ferdinand Marcos Jr. tapno lukatan ti ‘green box’ a naglaon kadagiti tax detail ni Vice President Sara Duterte ken ti asawana a ni Manases Carpio.
Sungbat daytoy ti Malakanyang iti panangibaga ni Senador Panfilo Lacson a kasapulan ti pammalubos ti Presidente sakbay a malukatanda ti ‘green box’ a naglaon kadagiti ebidensia iti sangsangwen nga impeachment ti bise presidente.
Innayon ni Palace Press Officer Atty. Claire Castro nga iti agdama keta wan pay ti request para iti pammalubos ti Presidente ngem no makiddaw ket maadal a nasayaat ken makita no ania ti agbalin a tignay ti Presidente.
Impaganetget ni Castro a napateg dagiti dokumento a mabalin a mangipakita iti kinapudno kadagiti pammabasul a sangsangwen ti bise presidente.
