--Ads--
Inlawlawag ti Commission on Elections dagiti agwarwaras a damag iti social media mainaig iti panangiduron ti manual counting iti 2028 elections.
Segun iti COMELEC, ti impormasion a nakailanad iti Facebook post ket awan kinapudnona ken saan nga imbaga ni Comelec Chairman George Erwin Garcia ken saan a naggapu iti ahensia.
Maibasar iti statement, kinuna ti Comelec a sumursurotda iti agpampannuray a linteg iti eleksion ken agtultuloy ti pannakaipatungpalna kadagiti sumaruno a panagpipili.
Inallukoy ti ahensia ti publiko nga agridam ken siguradwen a dagiti impormasion a mabasbasa ken maibingbingay iti online ket beripikado.
-- ADVERTISEMENT --
