--Ads--
Kinumpirmaran ni Office of Civil Defense (OCD) Administrator Undersecretary Ariel Nepomuceno nga inikkaten ti Regional Task Force Kanlaon ti ban ti panagserrek iti 6-kilometer extended danger zone iti Bulkang Kanlaon.
Gapu dayta ket mapalubosanen ti entry period iti 6 kilometer danger zone manipod alas sais iti bigat agingga alas kuatro iti malem.
Nailawlawag a ti entry point ket para kadagiti mannalon ken mangibagi ti pamilia a mangkita iti mula, pagbiagan ken pagtaenganda.
Nagpalagip ti OCD kadagiti residente a saan nga agbalin a kampante ken agbalin nga alerto latta iti aktibidad ti bulkan.
-- ADVERTISEMENT --
Agtultuloy a simsimpaen ti OCD ken dadduma pay nga ahensya ti recovery ken development plan kadagiti apektado iti panagalburuto ti bulkan.
