VIGAN CITY- Inaklon ni dati nga Ilocos Sur Governor, Philippine National Shooting Association (PNSA) President Luis Chavit Singson nga agkurang iti panagsanay dagiti atleta a naipatulod para ti shooting competition iti agtultuloy a 2018 Asian Games idiay Jakarta- Palembang, Indonesia.
Ngem uray pay kasta, napnek ni Singson iti performance nga inpakita dagiti atleta iti nasao nga event.
Ti pannaki-uman ti Bombo Radyo Vigan, inlawlawag ti PNSA President a bassit laeng iti oras a panagsagana dagiti atleta ta saan da a sigurado idi nga adda iti maipatulod iti kompetisyon ta awan ti pondo isu a binaklay na ti gastos da tapnu adda laeng mangibagi iti pagilian iti shooting competition ti Asiad.
Kabayatanna, inkari ti nasao nga opisyal a ti 2019 Southeast Asian Games a maisayangkat ditoy pagilian iti panangipakatan dagiti atleta ti shooting competition iti usto a laing da ta ita pay laeng ket saganaan dan iti kompetisyon.
