--Ads--
Imbilin ti lider ti North Korea a ni Kim Jong Un kadagiti komander ti Korean People’s Army a siguraduenda a nakasagana ti tunggal yunit ti militar para iti posible a gubat.
Impaganetget ni Kim ti kinapateg ti nainget a panagsanay dagiti soldado tapno maisagana ti tunggal kompania ti militar para iti pannakigubat.
Imbingay daytoy ni Kim iti Third Meeting of Company Leaders a naangay idiay Pyongyang idi Oktubre 22 ken 23, a sadiay nga indagadagna met ti pannakaipasdek ti napigpigsa a militar.
Inyebkas met ti Korean Central News Agency (KCNA) nga ipatpataray ti estado a daytoy ti umuna a panagtitipon ti intero a militar ti North Korea manipud idi naangay ti maika-9 a Kongreso ti Workers’ Party idi Pebrero.
-- ADVERTISEMENT --
