Indagadag ti lider ti North Korea a ni Kim Jong Un iti militarna nga agsanay tapno agbalinda a kabibilgan a militar iti lubong.
Impaganetget ni Kim ti inawagan na a “Korean-style military revolution” tapno agbaliw amin a kompania ti militar kadagiti elite units nga addaan iti nangato a militar ken teknikal a kabaelan, bayat nga agtultuloy ti North Korea a mangpadur-as kadagiti nuklear nga armas, missiles ken dadduma pay nga advanced weapons.
Ti taripnbong ket napasamak iti tengnga ti kimmaro a tension iti nagbaetan ti North ken South Korea kalpasan a ti panagbettak iti Demilitarized Zone (DMZ) ket nakadunoran dagiti soldado ti South Korea, a ti agsumbangir a dasig ket nagsinnukatda iti kapanunotan maipapan iti makagapu iti insidente.
Kas sungbat, insingasing ti South Korea ti panangangay iti saritaan ti militar tapno malawlawagan ti beddeng ken maisubli ti komunikasion, bayat a nagtalinaed ti North Korea nga alyado ti Russia a kasukat ti tulong militar ken teknolohia ti depensa.
