VIGAN CITY – Pakadanagan dagiti eksperto ti umad-ado a bilang dagiti Pilipino a dumaldalan iti dialysis gapo iti kidney failure.
Basar iti report, ti bilang ti dialysis patients iti pagilian ket ngimmato iti 42% – manipud iti 25,125 a rekord idi 2022, immaboten iti 35.714 idi 2023.
Ti kellaat a panagngato ti kaso ket mainaig kadagiti tattao a nadiagnose nga adaan ti diabetes ken hypertension a maibilang a lifestyle diseases.
Segun kenni National Kidney and Transplant Institute Deputy Executive Director for medical services Romina Daguilan , narikot latta ti maadaan ti kidney failure ta daytoy ket nagastos uray no sakupenen ti Philippine Health Insurance Corporation ti 156 dialysis session.
Inaig iti dayta, kitkitaen ti Philhealth nga ingato ti coverage’da iti dialysis package iti P5,200 pesos kada session manipud iti agdama a P2,600 pesos.
