Saan a namnamaen ti Malakanyang nga umamin da dati a Congressman Jing Paras ken Congressman Leandro Leviste nga isuda iti adda iti likodan ti “honeytrap” scheme tapno dadaelan ni Executive Secretary Ralph Recto.
Dayta iti pinasingkedan ni Palace Press Officer Atty. Claire Castro kalpasan a nagipasa da Paras ken Leviste ti affidavit iti National Bureau of Investigation a naglibakandan iti pammabasol kadakuada.
Segun ken ni Castro, awan ti manamnama kadagiti respondent no saan nga ag-deny ta no saan ket deretso ti kaso ken awan ti warrant of arrest kadakuada.
Kinuna ni Castro a karbengan da Paras ken Leviste nga ited iti biangda ken makaammon iti NBI a mangbigbig no makasoanda wenno saan.
Innayon ti Malakanyang a ti kayatda laeng ket dumalan ti due process ken mayannatup a linteg ti amin a tignay dagiti ahensia iti gobierno.
