--Ads--
Saan a bumaba iti tallo ti naipadamag a natay iti Davao region ken Soccsksargen gapu iti epekto ti Bagyo Kiyapo ken Habagat.
Segun iti National Disaster Risk Reduction and Management Council, agtultuloy da a ber-beripikaren ti nadakamat a report.
Umaboten iti nasurok 193, 000 nga indibidwal wenno nasurok 41, 000 a pamilia manoipud iti 258 a barangay iti pito a rehiyon ti naapektaran ti napigsa a tudo ken panaglayus gapu ti madi a paniempo.
Nasurok 9, 000 a tattao iti agdama a temporario nga agnanaed kadagiti evacuation center para iti kinatalged ken seguridad-da.
-- ADVERTISEMENT --
