--Ads--
Maysa ti nadangran iti panagdinnungpar ti motorsiklo ken traysikel iti national highway ti Barangay Barangobong, Sta. Lucia, Ilocos Sur.
Ti traysikel ket minaneho ti lalaki nga agtawen iti innem a pulo ket dua, taga-Palali Norte, Sta. Lucia.
Ti met motorsiklo ket minaneho ti lalaki nga agtawen iti tallopulo ket lima, taga-Barangay Angkileng, Sta. Lucia.
Agpapa-abagatan ti motorsiklo iti national highway ket idi madanonda ti nakapasamakan ti aksidente, bimmallasiw ti traysikel a puon ti panagdinnungparda.
-- ADVERTISEMENT --
Nadunor ti nadumaduma a paset ti bagi ti drayber ti motorsiklo a naipaagas iti ospital para iti pannakatamingna idinto a saan a naan-ano ti drayber ti traysikel.
