--Ads--
Maysa ti nadangran iti panagdinnungpar ti motorsiklo ken traysikel iti provincial road ti Barangay Butir, Sta. Maria, Ilocos Sur.
Ti motorsiklo ket minaneho ti maysa a security guard nga agtawen iti duapulo ket innem, taga-Barangay Butir.
Ti met traysikel ket minaneho ti maysa a tricycle driver, taga-Barangay Baliw Laud.
Agpapadaya ti traysikel idinto nga agpalaud met ti motorsiklo, ket idi madanonda ti nakapasamakan ti aksidente, nangidissaag ti traysikel iti pasahero sa nag-U-turn.
-- ADVERTISEMENT --
Immagaw ti linya ti napaspas ti patarayna a motorsiklo isu a napasamak ti head-on collision wenno panagdinnungparda.
Nadunor ti drayber ti motorsiklo ket naipaagas iti ospital para iti pannakatamingna idinto a saan a naan-ano ti drayber ti traysikel.
