Saan a natuloy ti panagdengngeg iti kaso a terorismo kontra ken ni dati a Rep. Arnolfo Teves Jr gapu iti pangta ti bomba.
Segun ken ni Atty. Ferdinand Topacio, abogado ni Teves, bayat a maisaysayangkat ti panagdengngeg idiay Quezon City Hall of Justice idi kalman iti agsapa, maysa a bomb threat ti inreport ti clerk-in-charge isu a dagus a na-evaluate ti lugar.
Nangisayangkat iti paneling ken sweeping operations ti Quezon City Police District Explosive Ordnance Disposal Unit ngem awan ti nasarakanda a bomba wenno ania man a napeggad nga alikamen iti nasao a pasdek.
Gapu iti pasamak ket nai-reschedule ti panagdengngeg para iti “marking of evidence” inton Marso 4.
Ni Teves ti maitudtudo a mastermind iti pannakapapatay ni Negros Oriental Gov. Roel Degamo idiay Pamplona idi Marsp 4, 2023.
