--Ads--
Matuloy inton umuna a lawas iti Mayo ti panagdenggeg para ti naturalization ni Bennie Boatwright kas pinasingkedan ti Samahang Basketbol ng Pilipinas (SBP), ita a nakasublin iti pagilian tapno agay-ayam iti PBA Commissioner’s Cup.
Nadelay idi ti proseso ta adda idiay Korea ni Bennie idi napalabas a panagdenggeg ken naka-recess idi iti Senado.
Naudin a natratar ti aplikasyonna idi Marso ngem naisanud gapu iti kaawanna.
Kabayatanna, ti dadduma nga aplikante kas kada Malick Diouf ken Elizabeth Means ket nakadar-ay kadagiti panagdenggeg ken naaprubaranen iti maikatlo ken maudi a pannakaibasa iti gakat para iti panagbalinda a Pilipino.
-- ADVERTISEMENT --
