Ur-urayen ni Gilas Pilipinas head coach Tim Cone ti isasangpet iti pagilian ti baro a naturalized player a ni Bennie Boatwright para iti fifth window ti FIBA World Cup Asian Qualifiers inton Nobiembre 27 ken 29 kontra iti Syria ken Iran idiay Seremban, Malaysia.
Nakadepende ti isasangpet ni Boatwright iti pammalubos ti Chinese Basketball Association team a ni Fujian Sturgeons, a nag-average iti 11.3 pts ken 6.4 rebounds kada ay-ayam.
Naituding a mangrugi ti ensayo ti Gilas inton Nobyembre 21 kadua ti 12-man lineup, idinto a mangnamnama ni Cone a makaduada ni Kai Sotto nga agin-inana gapu iti injury-na iti tumeng.
Saan met a makaay-ayam ni Carl Tamayo iti nasao a qualifying window kalpasan a nagsagrap iti ankle sprain kabayatan ti panagay-ayamna iti Korean basketball league.
