Naisanud ti Pre-Trial Chamber I ti International Criminal Court (ICC) a nakaituding para ti confirmation of charges kontra ken ni dati a President Rodrigo Duterte iti dati a naituding a September 23, 2025.
Ti pangngeddeng ket kasaruno iti kiddaw ti kampo ni Duterte a madelay ti panagdenggeg gapu iti saritada a mapapati a saan isuna a “fit to stand trial” wenno saanna a kabaelan a dumar-ay iti proceedings gapu iti kasasaad iti salun-at-na.
Segun ti ICC, limitado a postponement iti naipatungpal tapno maikkan ti gundaway ti panagsolbar ti nasao a kiddaw ken dadduma pay a maipanggep iti nasao a patangan.
Dissenting opinion met iti inruar ni Judge Maria del Socorro Flores Leira a lapped iti pannakasanud ti panagdenggeg.
Maipalagip a nakemmeg ni Duterte idi March 11, 2025 mainaig kadagiti kaso a crimes against humanity pakairamanan ti murder, torture, ken rape a mapapati a napasamak iti salinong ti panangidaulona idiay Davao City ken idi panawen ti administrasyonna kas presidente iti Pilipinas.
Ti gagem ti confirmation of charges hearing ket tapbo mabigbig nu adda umanay nga ebidensya tapno ituloy ti kaso iti trial phase.
Nu makumpirmaran ti pammabasol ket maiyakar iti kaso iti Trial Chamber para iti formal proceedings.
