Datin nga adda sangsangwenna a kaso ken adu dagiti nakaririna ti lalaki a nasarakan a natay iti uneg ti ti pagtaenganda iti Barangay Calautit, Sto. Domingo, Ilocos Sur, maibasar iti imbestigasion dagiti pannakabagi ti linteg.
Ti biktima ket agtawen iti tallopulo ket walo, agnaed iti nasao a lugar idinto a ti suspek ket saan pay a nabigbig.
Iti pannaki-uman ti Bombo Radyo Vigan ken ni PLT. Roger Retreta iti Sto. Domingo Police Station, adu ti rekord ti biktima iti barangay ta galadnan a tunggal makainom ket agkariar.
Adda pay kaso a homicide ti biktima ta idi napan a bulan ket adda kalugaranna a tinuktukanna iti bato ti ulona a puon ti nakatayanna.
4 a tama ti paltog ti sinagrap ti biktima kangrunaan iti ulo ken bagina, babaen iti naaramat a caliber 45.
