Ngimmato ti 20% dagiti pamilia a Pilipino iti makapaspasar iti involuntary hunger idi April 2025 kas maibasar iti Social Weather Stations survey a naisayangkat idi April 23 agingga 28, 2025.
Ti involuntary hunger ket ti panagbisin ken awan ti makan uray maminsan a daras laeng iti napalabas a tallo a bulan.
Ti kaudian a hunger rate ket ngimmato bassit iti 19.1% a kas maibasar idi April 11 agingga 15, 2025 survey, sumaruno iti 8.1-point decline manipod 27.2% idi March 2025.
Segun ti SWS, ti 20% hunger rate bayat ti kaudian a survey ket nagtitipon iti 16.4% a makapaspasar iti moderate hunger ken 3.6% iti makapaspasat iti severe hunger.
Ti moderate hunger ket maipanggep kadagiti nagbisin a naminsan laeng iti napalabas a tallo a bulan.
Tiu met severe hunger ket maipanggep kadagiti makapadpadas iti masansan wenno kanayon iti napalabas a tallo a bulan.
