Inlawlawag ti Department of Justice (DOJ) a saan a maapektaran iti panagbalin nga state witness ni dati a Department of Public Works and Highways Usec. Roberto Bernardo kasaruno iti panagsangona iti maysa a panagdenggeg iti Sandiganbayan.
Segun ken ni Justice Spokesperson Atty. Polo Martinez, ti saritana a nakaawat iti mapapati a barato manipod ken ni dati nga Ako Bicol Party-list Rep. Zaldy Co ket awan iti insigida wenno direkta nga epekto iti statusna iti Witness Protection Program.
Impaganetgetna a nakabasar laeng dagiti maipaspasa nga affidavits dagiti panagbaliw iti admission-da iti nasao a programa.
Isu nga aniaman iti agbalin a sarita ni state witness Roberto Bernardo wenno siasinoman nga adda iti Witness Protection Program ket maikonsiderar apaman a pormal a maipasa iti opisina.
Innayonna a dagiti panagdenggeg iti preliminary investigation wenno proseso iti programa ket limitado iti aniaman a naipila wenno naala a sarita iti kaso.
