Imbingay ti Philippine Institute of Volcanology and Seismology (Phivolcs) ti nairekord a panagayos ti lava manipod Bulkang Mayon.
Segun ti Phivolcs, napasamak ti lava effusion manipod 4:11 agingga 4:40AM idi kalman, July 11.
Umabot iti maika-187 a nagsasaruno nga aldaw iti effusive eruption a gappuanan ti incandescent lava flows, pyroclastic density currents (PDC) wenno uson ken rockfalls.
Sakbay dayta ket nairekord iti Biernes ti kapigsaan a sulfur dioxide emission iti bulkan iti napalabas a sangapulo ket innem a tawen nga umabot iti 7,475 a tonelada kada aldaw, no man pay kinuna ti Phivolcs a bimmaba ti aktibidad ti Bulkang Mayon.
Agtaltalinaed nga Alert Level 3 ti bulkan bayat a nainget a maiparit iti panagserrek iti 6 kilometer permanent danger zone.
