Nagpalagip ti Civil Aviation Authority of the Philippines (CAAP) kadagiti pasahero a rumuar iti pagilian a pagtalinaeden nga iggem ken agannad kadagiti passport-da kangrunaan iti check-in ken immigration process.
Ti addang ket kalpasan a maysa a pasahero iti saan a nakalugan ti Cebu Pacific nga agturong idiay Bali gapu ta napisang ti pasaportena.
Segun ti airline, saan a pinalubosan ti immigration authorities a makapanaw ti pasahero nga adda dadael ti dokumentona isu a napilitanda a saan nga ilugan.
Kinuna ni CAAP Spokesperson Eric Apolonio, napateg a personal nga iggem dagiti tunggal pasahero ti passport-da ken kitaen daytoy sakbay nga ipasa iti airline wenno immigration officers.
Imbalakadna pay a picture-n tapno mapaneknekan iti kondisyon.
Pinaglibakan ni Apolonio dagiti mapapati nga iregularidad iuti viral incident.
