--Ads--
Malakaan dagiti pasahero ti domestic ken international flights iti umuna a paset iti Hunyo kalpasan nga imbaba ti Civil Aeronautics Board (CAB) ti passenger fuel surcharge manipod Level 15 iti Level 13.
Impakaammo ti CAB a maipatungpal ti Level 13 fuel surcharge manipod June 1 agingga 15, nababbaba kumparar iti Level 15 a naipatungpal idi May 16 agingga 31.
Iti salinong ti Level 13 ket umabot iti P423 agingga P1,237 ti fuel surcharge para iti domestic flights depende iti distansya idinto a P1,396.74 agingga P10,385.42 met iti international flights.
Ti fuel surcharge ket nayon a singir malaksid iti base fare a maipatpataw kadagiti airline tapno mabawi ti gastos iti jet fuel.
-- ADVERTISEMENT --
