VIGAN CITY– Pinunas ni PInsp. Gilbert Tolosa, officer-in-charge ti Galimuyod municipal police station , iti panagamak dagiti umili gapu iti mapapati a panagraira ti ‘kumaw’ ta saan pay a navalidate ken awan pay ti naireport nga adda dagiti nabiktima, pakairamanan kadagiti kabangibang nga ili ken probinsiya.
Daytoy ket kalpasan nga adda ti naipost iti social media inaig ti ubing a pinayapayan ti nakalugan iti nangisit a kotse ngem timmaray gapu iti buteng na ket segun kenni tolosa, nakapatang dan ti ubing a babai taga Rubio , Galimuyod ket imbestigaran da dagiti sabali pay a motibo .
Nupay saan a navalidate ti kaadda dagiti kumaw, inbalakad ni Tolosa kadagiti nagannak nga ibilin kadagiti annak da nga ubbing a saan a sumurot kadagiti saan da a kaam-ammo a tao.
Inbalakad na pay kadagiti umili nga agalerto ken ipakaammo nga insigida kadagiti otoridad dagiti mapagduduaan ti galad na a tattao nga adda iti lugar da tapno malapdan iti dakes a pasamak
