Dua iti natay iti panagarado ti maysa nga SUV kadagiti innem a lugan iti national highway idiay Barangay Gongongong, San Ildefonso, Ilocos Sur itay alas tres iti parbangon, April 5, 2026.
Dagiti karaman ket ti nagmaneho iti Black Ford Everest a minaneho ti lalaki nga agtawen iti duapulo ket tallo nga agnaed idiay Barangay Vacunero, Sto. Domingo.
Ti nagmaneho iti White Honda Click 125 a minaneho iti agtawen iti tallopulo ket tallo, backride-na ti lalaki nga agtawen iti duapulo ket maysa.
Ti nagmaneho iti Black Yamaha NMax ket lalaki nga addan iti husto a tawen, backride-na ti babai a maysa met laeng a nataengan.
White Honda Click 125 a minaneho iti masya a lalaki; kaduana ti maysa a babai.
Sabali pay a White Honda Click a minaneho iti agtawen tallopulo ket tallo, baro; kaduana ti backride-na a ni Adriel Joe Baolete nga addan iti husto a tawen.
Ken nagmeneho iti Black Yamaha Mio 110 a minaneho ti lalaki nga agtawen iti duapulo ket tallo, baro; kaduana ti maysa a babai nga agpada nga agnaed idiay Barangay Tambo Malaki, Indang, Cavite.
Agpapaamianan a direksyon ti SUV idinto a dagiti innem a naka-motorsiklo ket daldalyasatenda iti bangir a direksyon.
Nadanon iti nasao a lugar ket impadas ti SUV nga overtake-an ti lugan iti sangona ngem bayat ti panag-overtake-na ket saanna a napansin dagiti innem a lugan iti bangir a linya isu a nadungparna ida a nagsasaruno.
Nagsagaba iti dunor ti driver ti SUV isu a naipan iti Magsingal District Hospital, idinto nga amin a driver ken backride dagiti motorsiklo ket nadundunor iti agduduma a paset ti bagida isu a naipanda iti Ilocos Sur Provincial Hospital – Gabriela Silang para iti pannakatamingda ngem naammoan a dagiti nagkalubbon iti Yamaha Mio 110 ket agpada a natay.
Iti naala nga impormasyon iti Bombo Radyo Vigan, mapapati nga adda impluwensya iti arak ti driver ti SUV idi napasamak iti aksidente.
